Campana

Había un hipopótamu, un elefante y un perru vestíu cola bandera inglesa. Fuera taba lloviendo, aunque los mayores nun teníen prisa y siguíen charrando debaxo los paragües: mio má cola mio madrina, mio pá col mio tíu, mio tíu conmigo, dende l’otru llau la ventanilla, yo col mio padrín, el mio padrín col hipo … Yeren les siete, y el reló de la ilesia marcó la hora. Aunque yo nun supe qué yera aquel ruíu, y quédeme quieta, callá, mirando pal mio padrín colos güeyos muy abiertos … Él sorrió y díxome una pallabra que yo nun fui a entender. Diose cuenta, y repitiómela despacín, un par de vegaes. Entós sí, entós pude coyela y devolve-yla … “… pana, … pana” … Yera la primera pallabra que me enseñaba. Rióse un puquiñín más, y punxo cara d'orgullu. Y a mi prestome abondu dame cuenta que yo aprendía d’afechu meyor que l’hipopótamu … RSA2009


Xixón, Asturies, 2009